A máis grave foi a perda da monumental sobreira de Arnois, máis popularmente coñecida como a Sobreira de Balboa. Os seus case 10 metros de circunferencia e 16 de altura facíana unha das árbores máis senlleiras da contorna e estaba declarada como monumental tamén pola súa antigüidade xa que rondaba os 500 anos. Mentres se chora esta perda, a Estrada atesoura outras cinco árbores declaradas monumentais que están en Callobre, Orazo (Outeiro e igrexa), Arca e Arnois. O vento tamén derrubou decenas de árbores que imposibilitaron o paso por estradas de distintas parroquias e a auga anegou camiños e accesos a algunhas vivendas, obrigando á intervención dos servizos de emerxencias en numerosas parroquias. O entramado urbano da Estrada tamén sufriu a furia do vento, guindando restos construtivos de distintas edificacións e obrigando a pechar as piscinas municipais e acordoar predios na Praza de Galicia, Praza do Mercado ou zona deportiva. Os ríos medraron cuantiosamente, deixando estampas coma estas do Ulla ao seu paso por Couso, lugar no que pararon nestes días numerosos automobilistas á altura de Pontevea para fotografar a magnitude das augas baixo a ponte de orixe romana.
Amosando publicacións coa etiqueta o tempo b>. Amosar todas as publicacións
Amosando publicacións coa etiqueta o tempo b>. Amosar todas as publicacións
26 de decembro de 2019
10 de abril de 2016
A Casa do Concello da Estrada vítima dun lóstrego:::
As malas condicións metereolóxicas deste domingo 10 de abril veñen de provocar as súas primeiras consecuencias. Un inesperado lóstrego foi caer no pararraios da Casa Consistorial da Estrada provocando numerosos danos materiais. A cúpula do Concello Estradense desprendeu numerosas lousas pola Avenida Benito Vigo e Praza da Constitución, rebentou tamén o reloxio que había nos laterais, queimou a fachada da torre por onde baixaba o pararraios e provocou a caida do falso teito no andar superior do edificio. Protección Civil da Estrada e a Policía Local do municipio acordoaron a zona mentres numerosos curiosos se achegaron tralo susto por este potente raio caído na vila da Estrada. Outros efectos da descarga eléctrica foron os cortes de corrente ou que os semáforos da vila deixaran de funcionar, numerosos fogares acusaron incidencias relacionadas con este suceso como electrodomésticos queimados. A base de Protección Civil e maila estación de servizo da estrada de Santiago tamén foron vítimas das descargas eléctricas. A pesar de que en 2014 outro raio provocara un buraco nun edificio próximo á Casa Consistorial, o pararraios do Consistorio atopábase desconectado tralas obras de arranxo da cuberta do inmoble.
14 de setembro de 2015
Alerta laranxa ante un forte temporal que afectará mañá a zona:::
A alerta laranxa aféctalle tamén á nosa zona, Meteogalicia lanza unha mensaxe de aviso laranxa no litorial oeste da Coruña e na provincia de Pontevedra por acumulacións de 80 litros por metro cadrado en 12 horas.
Toda Galicia en aviso amarelo pola forza do vento. Forza sete no litoral e en terra refachos que superarán os 80 km/h.
O martes o centro dunha profunda borrasca irase achegando a Galicia polo noroeste co avance do día. Así, os ceos permanecerán cubertos durante toda a xornada, con chuvias persistentes e xeneralizadas, de menor intensidade no terzo norte. As temperaturas experimentarán un lixeiro ascenso. O vento soprará forte de compoñente sur, con intervalos moi fortes en toda a franxa costeira.
Os servizos de emerxencian alertan tamén de que se tomen as medidas oportunas para resgardarse dos efectos adversos deste temporal, sobre todo nos desprazamentos e actividades ao aire libre.
3 de febreiro de 2015
Unha nova vaga de frío fai que o inverno se instale definitivamente:::
A pasada fin de semana o inverno mostrou a súa cara máis amable, aínda que as previsións falaban de neve en cotas baixas, só os montes máis altos coma o Cábado mostraron os seus cumios algo nevados. Os que quixeron gozar da neve tiveron que desprazarse ata os cumios máis altos do Deza, onde callou a partir dos 700/800 metros de altitude.
Unha Vaga de frío fará baixar hoxe novamente os termómetros, será a antesala de tres ou máis días de tempo excepcionalmente frío. As zonas máis afectadas serán o Cantábrico oriental e o nordés peninsular pero Galicia non se librará das inclemencias do inverno, especialmente o norte de Lugo. En toda esta área haberá posibilidades de neve mesmo a nivel do mar. Mentres, as posibilidades de neve na nosa zona serán máis escasas, quedando a mercede do azar, xa que se van dar as condicións para que neve pero dependerá de como se conxuguen os factores metereolóxicos. A partir do xoves podería haber unha retroalimentación deste mal tempo invernal pero os prognósticos xa son pouco fiables. A medio prazo agárdase que remitan e que para a semana mellore o tempo, reducíndose tanto as precipitacións coma a presenza de nubes, deixando un bo tempo de cara ao entroido.
![]() |
| Imaxe de Rodeiro o domingo pola mañá |
![]() |
| O Monte Faro permaneceu aberto a pesar da neve. |
![]() |
| Pequenos e grandes aproveitaron para xogar coa neve. |
![]() |
| As máquinas quitaneves afanárosne en ciscar sal e manter as vías libres. |
![]() |
| Alto do Faro |
![]() |
| xogando coa neve. |
| A néboa conxugouse coa neve nas zonas altas. |
| A pesar do mal tempo, puidose circular polas estradas. |
12 de xaneiro de 2015
A Estrada que se esconde baixo a néboa:::
A pasada fin de semana a comarca viviu unha situación climática normal e propia do inverno. Aínda así foi motivo de moitas conversas polo feito de que a néboa tardou máis do habitual en disiparse, deixando a zona baixo a néboa todo o sábado e parte do domingo. O que pasou explícanolo Carlos F. Balseiro de 4gotas. Tratouse dunha fenómeno coñecido como "néboa de radiación". Dáse habitualmente no inverno e en situacións anticiclónicas como a que estamos a gozar desde que comezou esta estación. O xiro de vento anticiclónico no sentido das agullas do reloxo provoca un movemento descendente coma o dun tirarrollas. A humidade da terra, ríos e regatos da zona atópase co aire frío e condensa. Pero ao haber pouco vento e co efecto do anticiclón queda retida moi preto da superficie da terra formando esa capa de néboa, que en ocasións é tan mesta que o sol non é quen de "quentala" e desfacela, por iso en días coma o sábado se mantivo todo o día enriba da Estrada e parroquias próximas.
| O domingo pola mañá o sol quentou o suficiente a superficie, disipando as néboas. |
| A néboa foi ascendendo desde o val do Liñares. |
| Vista oculta da Estrada cuberta de néboa. |
| A Somoza baixo a néboa. |
| O domingo contra ás 12 do mediodía, a Estrada devestíase da néboa definitivamente. |
31 de decembro de 2013
13 de marzo de 2013
A neve deixouse ver timidamente en Ouzande:::
10 de febreiro de 2013
Apagón en Ouzande:::
Ouzande quedou á luz das velas durante boa parte da tarde do domingo. O motivo foi unha posible avaría a causa das malas condicións metereolóxicas que estamos a vivir nos últimos días. O apagón afectoulle á parte norte da parroquia, deixando sen electricidade á veciñanza por un período superior ás 3 horas. Operarios da empresa que xestiona este servizo traballaron durante a tarde no transformador ubicado no Picoto para restablecer a subministración eléctrica.
Por outra banda, a parroquia continúa en alerta amarela a causa da chuvia, sarabia, vento e mesmo existe a posibilidade de que caian folerpas de neve durante esta madrugada. Polo momento houbo tormentas en forma de tronos e precipitacións tanto de auga como de sarabia. Así mesmo, as intensas chuvias dos últimos dous meses non provocaron grandes danos polo momento.
![]() |
| Previsión de Meteogalicia para o luns |
15 de decembro de 2012
O temporal "Nicky" abandona Ouzande deixando algunhas incidencias:::
Durante a xornada de onte, as grandes cantidades de chuvia e o forte vento puxeron en alerta amarela a nosa zona, a pesar diso non houbo grandes incidencias, sacando que as cunetas baixaban cheas de auga, algunha veiga a nado e que o regueiro da Fervenza medrou considerablemente. Ás 21:00h pechábase a alerta amarela, pero un forte trono desatado ás 23:00h produciu algúns danos na parroquia, ademais do susto que levou máis dun. Aparellos eléctricos avariados en varias casas ou portais automáticos estragados na Alemparte son algúns exemplos das consecuencias dese forte e inesperado trono da noite de onte.
![]() |
| Regueiro da Fervenza ao seu paso polo Muíño do Rubio. Foto da A.C. A Fervenza de Ouzande |
12 de maio de 2012
As altas temperaturas continuarán durante a próxima semana:::
As predicións metereolóxicas alertan de que se mantén a influencia anticiclónica sobre Galicia, co que a situación non vai cambiar nos próximos días, quedando de novo os ceos pouco anubrados ou despexados. A temperatura máxima de hoxe chegou ata os 27 graos, nos próximos días haberá subidas e baixadas semellantes. O xoves deixaremos de estar baixo a influencia do anticiclón e volerá a humidade.

23 de outubro de 2011
Volve a chuvia a OUZANDE:::

Logo de varios meses de intensa seca, o que se está a notar no abastecemento das traídas de auga da parroquia, Ouzande recibirá unha borrasca que paliará en parte esta situación. Segundo as predicións de Meteogalicia, na xornada do domingo unha intensa borrasca irase achegando cara ao noroeste de Galicia, provocando un deterioro xeneralizado das condicións meteorolóxicas. Pola mañá teremos intervalos anubrados con precipitacións ocasionais. Xa pola tarde, estas precipitacións iranse xeneralizando e acadarán intensidade puntualmente forte principalmente nas provincias da Coruña e Pontevedra. As temperaturas mínimas ascenderán mentres que as máximas descenderán. Os ventos soprarán fortes de compoñente sur, con refachos moi fortes no litoral atlántico e zonas altas do interior.
15 de xaneiro de 2011
unha nova fronte achégase a Galicia tralo temporal que deixou numerosas molestias na parroquia:::
O temporal de auga que afectou á parroquia desde o día de Reis e que se prolongou até a fin de semana deixou numerosas incidencias de pequeno calado en Ouzande. Presas desbordadas, camiños anegados, veigas a nado... Isto provocou que tivera que facer acto de presenza a Policía Local no lugar do Picoto ante unha presa que estaba desviada cara á calzada, provocando o anegamento do camiño do Redondo e da estrada local que une a parroquia coa Estrada.

24 de decembro de 2010
chuvia e neve asolagan Ouzande:::

Días antes de que comezaran as obras do local social da parroquia, este inundouse debido ás intensas chuvias do outono. Esta imaxe mostra o estado do interior logo de que unha tromba de auga asolagara a parroquia.
A neve dificultou os desprazamentos por terra na parroquia, sobre todo pola acumulación de xeo nalgúns camiños, pero tamén deixou estampas pouco usuais ao tempo que fermosas
o mal tempo protagoniza o outono 2010:::

O mal tempo está protagonizando esta última etapa do ano en Ouzande, o magosto popular organizado pola Fervenza de Ouzande vén de converterse nunha loita contra os elementos. A pesar das inclemencias do tempo que ben mostran estas imaxes, houbo un nutrido número de festeiros que festexaron o outono como este ben se merece.
3 de outubro de 2010
primeiros incidentes do temporal desta fin de semana:::

Coa chegada do outono veñen os primeiros temporais. As distintas axencias metereolóxicas alertan coa cor laranxa de rachas de ventos fortes e de gran intensidade de chuvia a caer na área atlántica de Galicia.
Os primeiros incidentes xa se fixeon un lugar na actualidade da parroquia. O vento derribou unha antena de TV dunha casa no lugar do Tallo, esta caeu enriba do tendido eléctrico de baixa tensión provocando impresionantes chispazos e cables polo chan. Unha situación moi perigosa que requeriu da presenza dos bombeiros para valorar as medidadas de protección da veciñanza mentres os operarios eléctricos non solucionen o problema.
Arestora boa parte da parroquia sofre cortes de luz, especialmente na zona norte de Ouzande. Neste momento permanece cortada ao tráfico a pista que une a estrada local de Ouzande á altura da Casanova con esta zona do Tallo.
Subscribirse a:
Publicacións (Atom)

























