A semana pasada comezaron as obras para o arranxo do palco de Ouzande. O promotor é o Concello da Estrada que aproveita os fondos do Plan E para diversas obras no municipio. A concesión da obra recaeu na construtora Cutrín. Esta era unha necesidade moi demandada pola veciñanza ouzandesa que, en numerosas ocasións tratou de mellorar o estado do ruinoso local social da parroquia.
As obras contemplan a drenaxe e recebado do edificio e a construción dunha tarima na parte dianteira para as actuacións. Na parte superior do palco recuperaráse o espazo inutilizado nos últimos anos para a construción de dúas salas; unha para actividades varias e a outra para un local máis pequeno. Nesta zona haberá tamén un baño.
Ningún comentario:
Publicar un comentario