9 de agosto de 2012

Comeza a conta atrás para os III Xogos OUlímpicos da nosa eira:::


O próximo domingo as festas de Ouzande van ter un evento moi agardado, pois só acontece cada catro anos, trátase dos XOGOS OULÍMPICOS. Será ás seis da tarde no Campo da Festa.
A medida que vaian chegando, os participantes poderán irse inscribindo de xeito totalmente gratuíto, a continuación recibirase o fachico oulímpico de haberá un desfile Oulímpico. As probas comezarán ás sete da tarde e durarán ata as oito e media, hora en que se entregarán as coroas e medallas correspondentes.
Os curiosos deportes que si serán oulímpicos nesta edición son os seguintes:
-Baixada de augas mansas, desde o Campo Vello ata o actual.
-Levantamento de carozo, ao estilo tradicional e coa axuda da sabedoría dos máis maiores da casa.
-100 metros pavón, en circuíto pechado e con paciencia.
-Baloncegho, haberá que encestar aínda que non se vexa moito.
-Xincarreta carrexando sen parar nunha carreta e sen que caia nada
-Biciclentas, onde gaña o último en chegar.
-Saltos sincronizados entra como nova proba oulímpica, de seguro causará sensación.

O COU (Comité OUlímpico) anunciou que haberá Bebedeiro Oulímpico para os participantes.

Ademais no programa da radio galega [un sitio á sombra] emitiron unha entrevista onde se dán detalles destas probas, se pinchas no nome do programa podes acceder ao audio desa entrevista.

Ningún comentario:

Publicar un comentario