Logo de 17 anos en activo, A Fervenza de Ouzande, celebrou unha asemblea, a anual na que anunciou importantes cambios de cara ao futuro Respaldados por uns corenta socios os actuais directivos expuxeron as contas da entidade e as actividades levadas a cabo durante 2017. Completaron a reunión co visionado dun video sobre estes últimos 12 meses de actividade.
Como conclusións destacar que houbo distintas actividades que decidiron eliminar do calendario cultural da parroquia coma a foliada ou unha noite no muíño, relaxando a actividade estival, tamén é de salientar que a maior parte dos ingresos económicos parten dos socios e a actual directiva presentou unha nova candidatura para a renovación, na que abandonan Natalia Carbajal quen ocupaba o cargo de vicepresidenta e as vocais Loli Camba e Mari Carme Ribadeo. Entran no seu lugar e como vocais Almudena Serantes Puente, Isabel Durán Parada Patxi López Durán. Continúan no seu posto de vocais: María Chedas Camba, Manuel Ángel Bouzón Fernández, Noelia Bouzón Docampo, Manuel Porto Gestoso, Cristina Riveira Porto, Laura Herraiz Cabanas, Manuel Uzal Docampo. E continúan no seu cargo Rosa Cabanas como tesoureira, Manuel Rosende como secretario e Xabier Camba como presidente. Esta nova directiva exercerá o seu cargo durante dous anos e será de transición cara unha nova directiva que terá que asumir cambios maiores. Ao remate da sesión, os socios compartiron chocalate con rosca e un tempo para o intercambio informal de pareceres.
Ningún comentario:
Publicar un comentario