Este venres Sinerxía ofrece un concerto para gravar un disco ao vivo no Teatro Principal:::

Cartel do concerto

O próximo venres día 7 de novembro o Teatro Principal da Estrada acollerá unha experiencia musical única, trátase da gravación do disco de Sinerxía en directo. Será ás 21:30h e a entrada é totalmente gratuíta. Sinerxía estará acompañado de distintos artistas convidados pero sobre todo da enerxía do público co que procurarán facer unha sinerxia para crear a gravación de Un+un=3. Reivindican así a música en directo. Contan coa colaboración do Concello da Estrada, tal e como explicaron en rolda de prensa o pasado luns no Salón de Plenos do Concello da Estrada.

Sinerxía conta coa voz de Lucía Azurmendi e con Noli Torres na batería, Javier Rabanal no baixo e contrabaixo eléctrico e mais con Miguel Carbajal na guitarra. Algunhas das colaboracións que haberá neste concerto foron adiantadas nesta presentación, contarán cun coro de voces de alumnado de 4º da ESO do IES Manuel Garcia Barros, coa Agrupación Tequexetéldere ou cun dos profesores da escola de música Rock de Santiago, así coma cun grupo instrumental.

Sinexía presentando o concerto en rolda de prensa no Concello da Estrada.