4 de novembro de 2014

O "Pub Rocker" acolle este sábado un concerto de "KAMBOTES":::

Kambotes recala de novo na Estrada, e faino no "Pub Rocker" este sábado día 8 de novembro as 01:30h para presentar o seu último disco "A hostia inversa".  Kambotes vén da comarca do Deza, en concreto no val de Camba que lle dá nome. Naceron aló polo 1990, e sete anos despois gravan unha maqueta "poesía de la calle con crítica social y espíritu rockero", o seu primeiro disco foi en 1999 "Traicionero popular" co que xa percorreron salas de toda Galicia. En 2001 virá "Eutrapelia" un CD con dous temas en galego; "taberneiro" e "palabras dun vello". En 2002 sacan á luz "Rumor cerebral" que contén a peza "manipulación". Teñen un parón de catro anos, pero retomaron o traballo e os palcos co seu último disco "La hostia inversa". "Carallas" e "A ostia inversa" son dous dos temas máis significativos deste último traballo que presentarán este sábado no Rocker da Estrada. Kambotes está formado por rapaces do Deza e da Estrada; Óscar é o gaiteiro nalgunhas pezas, e vocalista da banda canda a Manu. Na batería está Tomás, Javi no baixo e Jaime e Carlos Porto nas guitarras.
Integrantes de Kambotes
Programación do Pub Rocker para este mes.

Ningún comentario:

Publicar un comentario