10 de maio de 2017

Ouzande celebra o día das Letras cunha ruta de 15km ata o alto da Pedralba:::

O vindeiro mércores 17 de maio a Fervenza de Ouzande celebra a XII edición da "Ruta das Letras", un sendeiro que levará ás persoas interesadas ata un lugar moi singular da comarca, o alto do Monte da Somoza; a Pedralba.
A actividade está dirixida a todo tipo de participantes e é gratuíta, só teñen que estar ás 09.30h diante da igrexa parroquial de Ouzande. O roteiro atinxe 15km e ten previsto finalizar ás 13.30h. Desde a organización recomendan levar roupa adecuada e agasallarán aos participantes cunha obra literaria en lingua galega coa finalidade de conmemorar dun xeito activo o Día das Letras Galegas.

A ruta subirá primeiramente polo Monte Pedroso e logo pola Pedralba, unha zona especilamente bonita non só pola vexetación autóctona senón tamén polas fermosas vistas que ofrece. Atravesarán as instalacións de Monte Cabalar. A intención é coroar a Pedralba, o punto máis alto do Monte da Somoza con 634 metros sobre o nivel do mar, que tamén se divisa desde este lugar.

Ningún comentario:

Publicar un comentario

Sígueme por correo electrónico:::