29 de xaneiro de 2017

A Fervenza de Ouzande celebrou a súa Asemblea Anual

O pasado domingo 29 de xaneiro, a asociación cultural A Fervenza de Ouzande celebrou a reunión anual na que a xunta directiva dá conta das actividades desenvoltas e explica os proxectos para o novo exercicio. Rosa Herraiz, tesoureira da entidade fixo as oportunas explicacións sobre o estado económico da entidade, desfiando pormenorizadamente os gastos e os ingresos. Xabier Camba, presidente da Fervenza de Ouzande fixo unha valoración do traballo desenvolto neste último ano, destacando o xantar de convivencia que se realizou para festexar o XV aniversario da entidade. Asi mesmo adiantou que a xunta directiva está a estudar eliminar algunha actividade para poder asumir novos proxectos, posto que A Fervenza de Ouzande ten un enorme volume de actividades. Nesta asemblea non tocaba elexir nova xunta directiva, polo que reunión foi breve, rematou co visionado de videos sobre as actividades do último ano e unha chocolatada.



Sígueme por correo electrónico:::