outono á ouzandesa:::

O pasado sábado, a parroquia de Ouzande celebrou as súas festas de outono. A cita comezou ao serán, co asado das castañas e chourizos. O ambiente foise animando á beira da barra do carro. Socios da Fervenza de Ouzande foron aportando os seus dóces feitos con produtos de tempada. Finalmente a música que durou ata altas horas da madrugada e que xuntou no Campo da Festa ás Carabuñeiras de Santo André de Vea, Retrouso e Recanto. 

Gran festa do outono en Ouzande, este sábado día 4:::

A Asociación Cultural A Fervenza de Ouzande vén de facer pública a convocatoria a unha nova actividade do programa cultural do outono, trátase dunha festa que terá lugar o próximo sábado 4 de novembro ás 20:30 da noite no Campo da Festa de Ouzande. Ademais do servizo de bar agasallarán aos asistentes con castañas e viño. Tamén socios e socias da entidade convidarán a dóces de outono elaborados artesanalmente coas súas propias mans. Para completar a área gastronómica ofrecen a posibilidade de mercar chourizos que os asistentes poderán asar persoalmente. A parte musical estará cuberta por tres formacións; As pandereiteiras "Carabuñeiras" de Santo André de Vea, o grupo de canto tradicional de Ouzande "Recanto" e a formación tradicional, tamén ouzandesa, "Retrouso".

foto de arquivo 2016

cartel da actividade                          

video de arquivo, festa de outono en 2012

Controlado o incencio que se declarou hoxe en Portela (Codeseda):::

Xa está controlado o incendio que se declarou á beira da estrada A Estrada-Forcarei á altura do lugar de Portela, na parroquia estradense de Codeseda. Ata o lugar desprazáronse efectivos de Protección Civil da Estrada así coma varias brigadas e mesmo un helicóptero. Deixaron o lume controlado contra ás 14.15h de hoxe, 1 de novembro. 

A pesar da cercanía das casas, non houbo perigo para elas ao estaren protexidas por unha masa de árbores frondosas. Este lume súmase ao extinguido na xornada de onte en Loimil e que fai pensar na presenza na zona de posibles persoas incendiarias.

Tanto as condicións metereolóxicas coma a intensa sequía xunto coa enorme cantidade de coníferas  poñen o municipio en alerta.