Algúns dos lugares que hai días aparecían cheos de distintos tipos de residuos sólidos gozan hoxe de mellor aspecto logo de que fosen retirados. Aínda así restan por eliminar os cascallos de obra pois só levaron os anacos de voluminosos que emporcaban as inmediacións do Punto Limpo da Estrada, ubicado no lugar de Penerada.
O lixo que se pode ver ciscado pola zona está principalmente nas zonas de fácil acceso para vehículos, como é a pista forestal de Zoo, preparada para que os camións do parque eólico transporten grandes pesos, deste xeito a zona afectada é a que linda entre os municipios de Cuntis e A Estrada. De feito, a zona que limparon localízase preto da Areeira, pero do lado dereito en sentido ascendente polo que pertence ao lugar de Ferreiros, xa en Arcos de Furcos.
Son precisamente os concellos os que teñen potestade para multar aos infractores por delitos medioambientais así como outros organismos desta área coma o Servizo do Seprona da Garda Civil. As penas poden ser de cárcere ou multas segundo a gravidade do delito, agravándose se afectan a cursos de auga ou hai risco de filtracións de elementos químicos na terra e máis aínda se lle afecta á flora e fauna.
 |
| Aspecto da zona limpa. |
 |
| Restan por retirar algúns cascallos de obra |
 |
| Restos de cerámicas, tellas e tixolo na zona. |
Ningún comentario:
Publicar un comentario