Este domingo celébrase a excursión anual con destino en Monterrei:::

As terras do val de Monterrei acollerán este domingo unha expedición de ouzandeses na que será a excursión anual organizada pola Fervenza de Ouzande.
Pola mañá está previsto visitar a vila de Verín e mailo Castelo de Monterrei.
O xantar ha ser nunha área recreativa á beira do Río Támega. Pola tarde a excursión achegaráse ao manancial de augas de Cabreiroá para gozar co manancial, balneario e extensos xardíns.
Anuncian tamén a posibilidade de viaxar pola tarde ata a veciña cidade de Chaves, xa en Portugal para coñecer esta localidade arraiana do Alto Tâmega, en Tras-os-montes.