O concello de Trazo acollerá o próximo sábado día 23 de novembro unha Fía Tradicional organizada pola Asociación Cultural "Os Xeitosos de Trazo" e á que foron convidadas as dúas formacións musicais de Ouzande; Retrouso e Recanto.
A festa terá lugar no Pavillón de Viaño Pequeno de Trazo ás 21h do vindeiro sábado e a ela acodirán as seguintes formacións musicais: "Gharatuxa Ghaiteiros", a "Coral de Castrosúa", o grupo de pandeireta "Xentiña de Trazo", "Pana Raiada", "Faíscas de Pontraga", as pandeireteiras de "Anxeriz", "Raiolo" e mailos "Xeitosos de Trazo". Aos festeiros e festeiras que se acheguen a este municipio da área de Compostela, a organización agasállaos cunha cunca de caldo para entrar en calor. O obxectivo da festa é recordar as antigas fías.
Ningún comentario:
Publicar un comentario