A parroquia de Callobre acolle este venres o XVI FOLK DE RAÍZ, un festival de música que xa se fixo un oco na axenda festivaleira do verán en Galicia. O 10 de xullo terán no palco a SES, os Carunchos, Xirandola e aos Regatos, formacións que aseguran que a festa non defraude. Ademais a organización esmerouse ao máximo para facer desta velada unha cita cómoda e inesquecible con zona de acampada, mostra de artesanía e postos para poder cear na festa. A programación ofrécese de xeito totalmente gratuíta e as consumicións son ofrecidas pola comisiónorganizadora por prezos económicos. Ademais dispoñen dun cómodo aparcadoiro próximo ao recinto festivo para que o acceso sexa o máis doado posible. Con todos estes ingredientes e cunhas previsións metereolóxicas inmellorables seguro que o XVI Folk de Raíz será todo un éxito.
 |
| cartel |
 |
| foto de arquivo |
Ningún comentario:
Publicar un comentario