Di o refrán que cando San Lourenzo leva o caldeiro "penzo" (torto), chove. Ese foi motivo polo que a Asociación Cultural A Fervenza de Ouzande tivo que suspender este xogo o ano pasado. Deseñárono porque o día do patrón da parroquia caía en domingo. Como a primeira intentona foi co caldeiro penzo de verdade, este ano propuxéronse desafiar ás predicións metereolóxicas e conseguiron un día envexable de sol e calor. O seguinte paso era convocar os elementos para realizar o xogo e aos nenos e maiores tanto da parroquia coma de fóra para poder xogar. Un grupo de turistas perdidos e un druída celta déronllela benvida. Os menores de 8 anos quedaron no campo da festa formando parte dunha "escola de druídas" mentres que os demais participantes tiveron que ir cun caldeiro por distintos puntos da aldea e realizando distintas probas de investirgación sobre Ouzande e o seu rico patrimonio cultural. Desde as partes da igrexa ata os nomes das leiras foron obxecto de aprendizaxe neste gran xogo que demorou desde as 18.30 ata as 21h polas fontes da parroquia. Coa auga dos distintos mananciais conseguiron que o druída "Topetix" fixese unha pócema coa que mollou aos turistas, desencantándoos e posibilitando que volvesen ás súas terras de orixe marabillados por coñecer disintos puntos da xeografía galega, pero especialmente a aldea de Ouzande.
Fotos a Fervenza de Ouzande
Ningún comentario:
Publicar un comentario