O programa de animación infantil de Cáritas está a recorrer diversas parroquias da Estrada, hoxe remata en Tabeirós, onte estivo en Ouzande e a semana pasada chegou a Callobre e Lamas. Co apoio da administración municipal e promovido por Cáritas Parroquial da Estrada, Rufo é un programa de animación para nenos e nenas ata 14 anos. Na tarde de onte chegou a Ouzande ás 17h e durou hora e media. Tivo pouca afluencia de público, pero isto non lle restou intensidade á tarde de xogos que dinamizaron dous monitores. Os protagonistas da sesión foron o xogo, o compañeirismo e o bo humor.
Ningún comentario:
Publicar un comentario