Será este sábado 20 de xuño ás 21h no Campo da Festa de Ouzande. Trátase dunha inciciativa da Fervenza de Ouzande e coa que se quere clausurar o curso académico 2014-2015 das clases de música e baile tradicional que se desenvolven semanalmente no Local Social da parroquia. Segundo informan desde a citada asociacion mantívose a alta matrícula de cursos anteriores, con alumnado de todas as idades e disciplinas: gaita, tambor, pandeireta, baile, cancións tradicionais e acordeón.
No transcurso da velada haberá unha merenda gratis para os asistentes así, como non, coma exhibición dos distintos grupos de música e danza folclórica que compoñen a escola.
Ademais, A Fervenza de Ouzande, vén de presentar a camisola oficial da entidade para este verán. Deseño de Rosa Herraiz, está motivado nos fíos dun tear, activade moi exitosa da asociación nesta última tempada. Ao deseño engadíronlle o lema "seguimos tecendo" e é que a entidade cumprirá en breve os 15 anos como asociación.Imaxes de arquivo, foliada fin de curso 2014
Ningún comentario:
Publicar un comentario