Santa Apolonia organiza unha excursión á feira medieval de Noia e á Costa da Morte:::

Será o vindeiro 18 de xullo cando Guimarei poña rumbo á Costa da Morte nunha excursión organizada pola Asociación veciñal Santa Apolonia. Os interesados téñense que poñer en contacto coa organización e pagar os 25 euros que custa e que inclúen o xantar. No transcurso da excursión visitarán Buño, o Santuario da Nosa Señora da Barca, o Dolmen de Dombate e á vila de Noia onde participarán na Feira Medieval que anualmente celebra a vila mariñeira.